nathalie lamborelle

Nei Homepage

2008-03-19T08:10:00.003+01:00

Et as elo endlech esou wait, meng nei Homepage as ONLINE!

Vun elo un wert ech des Sait dann nemmi aktualiseiren. Sie bleift allerdings nach bestoen, falls een nach eng aal Story noliesen goen well.

Ab elo as et dann www.nathalie-lamborelle.com

Aus dem Stage a Spuenien

2008-02-16T20:53:00.005+01:00

Seit Denschden den Owend sin ech elo schon hei zu Calpe op der Costa Blanca tescht Valencia an Alicante fir mat enger Rei Fuerinnen vun UNIQA dei nei Saison virzebereeden. Nieft herrlechen Küstenstrossen kann een hei och richteg duerch d’Bierger fueren an fir dei kleng Erfreschung teschdenduerch woarden Mandarinnen, Orangen oder Zitrounen op de Beem.

Haut wor main eischten Roudag. Nodeems ech die 3 Deeg virdrun e bessen Pech mam Wieder hat, wor et haut esou richteg gudd. Bei 23 Grad, Sonn a Mier kann een sech do schon e bessen ewei am Summer fillen. Eng Stendchen Sightseeing rondrem Calpe mam Velo, d’Material erem an d’Rei brengen an Rou stungen haut um Programm. An dat huet esou richteg gudd gedoen no 3 langen Deeg Training.
Muer geet et dann erem weider mam Training an dat nach bis e Sonnden.

Schei Greiss aus dem sonnegen Süden

Nathalie

Teamtreffen Coogee Saar

2008-01-29T22:23:00.000+01:00

Wei och schons dat lescht Joer hun Fuererinnen vun der Rig Saar dei Team Coogee Saar bilden sech dese Weekend an der Geigend vun Treier getraff fir sech kennenzeleiren. Dest Joer sin net manner wei 14 Fraleit hei lizenseiert, domat as den Rig Saar deen stärkste Verain bei de Fraen an Daitschland! Fir dest Joer sin nieft den regionalen Coursen an Daitschland e puer Starter bei UCI Coursen an der Geigend virgesin. Hei bleift allerdings nach ofzewarden ob mer och do starten kennen.

Dei 2 Deeg as wei gewinnt gudd traineiert gin mat 2 Ausfahrten lanscht Saar, Mousel, Sauer an duerch den Hunsrück. Dobai as de Spass zu kengem Moment ze kuerz komm an de Weekend wor mei wei gelongen. Ech freen mech op alle Fall dest Joer e puer mei Coursen kennen mat hinnen ze fueren!

Schivakanz

2008-01-29T22:09:00.000+01:00

Nodeems ech io decideiert hat menger Wantersaison en Enn ze setzten wor ech eng Woch op Hinterux am Zillertal Schifueren. Eppes besseres hätt mer zu deser Zait net kennen virkommen. Des Woch konnt ech emol ganz vum Alldag ofschalten an esou rischteg geneissen. Schifueren as a bleift eng vu mengen beleifsten Wanteraktiviteiten...schued nemmen dat een emmer sou weit fueren muss!!

Zait fir dei next Zieler

2008-01-10T13:06:00.000+01:00

Keng WM a kee Weltcup

D'Wantersaison as fir mech mam Cyclo Cross Championnat op en Enn gangen. No 7 Crossen an engem verdeedegtem Titel an der Tesch hun ech genuch gemach am Hibleck op d'Stroossesaison. Fir eng WM oder ee Weltcup misst een sech awer nach mei drop virbereeden an virun allem sin ech awer net esou gudd materiell ausgerüst! Mee dat kennt och eng Keier, alles zu senger Zait!

Och wann 7 Crossen vlait nach net esou vill sin, geet dat völlegen duer fir de Motor am Wanter bessen laafen ze lossen. Et wor och dat eischt Joer wou ech e bessen mei Cross gefuer sin an et och e bessen mei duerchgezunn hun. An deser kuerzer Saison hun ech awer emmer erem konnten meng Leidenschaft fir de Cross entdecken an et deet mer awer e bessen Leed dat et schon eriwwer as! Cross as einfach anescht, Zuschauer sin mei no derbai an et as eng ganz aner Ambiance. Natirlech brengt et och vill mei Opwand matsech. Mindestens 2 Veloen mussen top an der Rei sin, ee Staff wou dei Maschinnen während der Course an och dono botzt an meng Virbereedung virun engem Départ vun der Streckeninspektioun iwwer Warmfueren muss stemmen.

No deser Woch konzentreiren ech mech awer dann ganz op Präparatioun vun der Stroossesaison. Vum 11.-24. Februar geet et dann emol op Calpe op d'Costa Blanca mat UNIQA ier dei eischt Coursen Mett März ufänken.

Championnat Cyclo Cross Contern

2008-01-07T16:59:00.001+01:00

Championne 2007/2008

No ganz harden 31min Course as et mer gelongen main Titel am Cross ze verdedegen!

De Parcours vu Contern wor extrem physesch an seng Schwieregkeeten hun dorannen bestanen dat an der Wiss de Bulli pescheg wor, mat 3 Laafpassagen (fir eis) an eng Descente dei scho baal nemmi ze fueren wor. Wei zimlech all Fotoen beweisen a wei der mech erlieft hudd, huet dee Circuit mer esou Muensches ofverlangt an ech konnt et leider net eviteiren fir ouni Chute duerchzekommen.

Direkt am eischten Tour wor et schon dei eischte Keier geschitt...ech konnt allerdings an der Descente erem direkt alles ophuelen. Am leschten Tour hun ech dunn och nach eng zweete Keier Bekannschaft gemach mam Bulli an deste Keier an der Descente. Hei hun ech dunn leider erem zimlech Zait verluer bis ech erem um Velo sutz. Vun do aus wor et io dunn nemmen nach een Tour ze fueren an an deem hun ech mer et awer och net mei huelen geloss!

Op alle Fall wor dest en harden Kampf an ech sin einfach iwwerglecklech main Titel konnten ze verdedegen.

Wann meng Examen elo nach eriwwer sin (Meinden + Denschden) a mai bloen Knei verheelt as, huelen ech mer eng kleng Auszait an gin engem aneren Hobby no, dem Schifueren. Allerdings alles am Hibleck op d'Preparatioun fir d'Strossesaison.

Um Enn well ech mengem ganzen Staff dei mech enenrstezt hun deen Dag an dei ganz Cross-saison iwwer, sief et am Materialposten, beim Training oder op der Streck, VILLMOLS MERCI soen.

Fotoen: kb a Val Wagner

Cross Péiteng

2008-01-02T17:55:00.000+01:00

8. Platz an domadden bescht Lëtzebuergerin

Knapp huet dat nait Joer ugefangen, a schon sutz ech um Velo fir eng Course ze fueren. Vlait kennt dat verschidde Leit e bessen verreckt fier op Sylvester knapp no Joresufank am Bett ze leien fir deen aneren Dag fit ze sin, mee ech muss soen et hat sech gelount!

Op deem eenzegen internationale Cyclo Cross hei am Land fir Dammen wollt ech dest Joer einfach dobai sin! Och wann et dach ee ganz scheint Steck bis bei d'Weltelite as hun ech meng Participatioun zu kengem Moment geschter bereit. Et mecht enfach direkt vill mei Spass an enger Course ze fueren wou Ambiance op der Streck as an natirlech wou den Interessi vum Publik mei grouss as. Leider geet meng Crosssaison hierem Enn entgeint, mee dat huet mer rem Gout gin fir mei.

Mat der Course selwer sin ech och ganz zefridden. No 10 Deeg hardem Training hun ech mech relativ gudd erholl gehat an bis op deen berühmten eischten Tour hun ech mech tiptop gespuert. E klengen Malheur as mer leider och passeiert am eischten Tour. Kuerz virum Materialposten as Ketten vu mengem gudden Velo ewechgefuer. No 150m laafen krut ech awer den Ersatzvelo an konnt ouni ganz groussen Verloscht weiderfueren. Ech konnt mei speit suguer erem op mai gudde Velo wiesselen. Villmols Merci heifir un Equip aus dem Materialposten!

E Sonnden as dann d'Championnat zu Contern wou ech natirlech alles wert machen fir den Roud-waiss-bloen Trikot ze verdeedegen! Dofir kommt all e Sonnden um 2 op Contern, well et kann een nie genuch Supporter hun dei een nofirdreiwen!

(Fotoen kommen nach no, ausser et huet een der! ;-) )

Stage Gent, Cross Remeleng

2007-12-26T17:33:00.000+01:00

Stage Gent

Hei konnt ech mech Beegeschterung fir d'Piste erem nei opliewen lossen! Och wann 3 Deeg kuerz sin, woren se intensiv an mer hun allegueten vill traineiert kritt. Zumols wann et dobaussen Minusgraden sin as et dach wonnerbar dobannen am labberen Gezei um holzenen Oval ze traineiren. Eigentlech hu mer jo erem all Zong lang gemach kritt, well bis eis Piste steet dierft io nach e bessen daueren...

Cross Remeleng

Deen een Dag nach op der Piste zu Gent ennerwee, deen aneren Dag zu Remeleng um Bierg, dat as d'Liewen vun engem Velosfuerer...

No 3 Deeg Stage as et dann och net sou labber gelaaf. Zumols deen eischten Tour huet richteg weigedoen, dono hun ech mech dru gewinnt gehaat an do as et och gangen. Allerdings wor dat ganzt net schnell genuch, direkt am 1. Tour hun ech e Lach kritt, wat ech nemmi zoukritt hun. Ech sin schlussendlech dat 2. gin hannert dem Suzie. Erfreelech wor och dat mer des Keier zu 5 Dammen um Départ woren, dat woren emmerhin der genee esou vill wei bei den Junioren.

Haut hat main neie Velo awer och sain eischten Asatz! Wei secher villen opgefall as, as en Pink Rosa, den Pink Panther! ;-)

Et bleiwen elo nach de Cross zu Peiteng an d'Championnat an d'Wieder as relativ schlecht fir velozefueren...nujee och do muss een alt derduerch.

Cyclo Cross Schmelz (D)

2007-12-15T21:08:00.000+01:00

2. Platz

Dese Weekend stung schon Samsdes e Cross um Programm, an zwar hei vir am Saarland zu Schmelz. Dest wor main 1. Cross am Ausland, an domadden och deen eischten enner reng Fraleit. Dese Cross as dann wei dat och muss sin iwwer 40 min gangen op engem zimlech hiwwelegen Parcours duerch de Besch. Duerch dei kaal Temperaturen wor dann och kee Bulli.

Leider konnt ech an enger langgezunnener Montée d'Rad vun dem 1. nemmi haalen an sin 50m zereck gefall. Eng kleng Distanz konnt ech langzeit haalen bis se dann awer emmer e bessen mei grouss gin as. Dei 2. Platz as awer nie a Gefor georden sou dat ech um Enn dei dann och behaalen konnt.

Fazit vun desem Weekend bleiwt awer dat nach bessi Aarbescht am Training op mech wart fir d'Championnat an secher och fir zu Peiteng iergendwei kennen ze bestoen! ;-)

Next Woch steet dann lo den FSCL Stage op der Bunn zu Gent um Programm, dei lescht Deeg Schoul virun der "Vakanz" wou ech meng Examen virbereeden muss an Sonndes de Cross zu Remeleng.

P.S.: Wann een ee gudden Trick kennt fir Feiss warmzehaalen, da sot mer en weg! Et mescht mer io schon Spass Cross ze fueren, mee bei sou Temperaturen gin meng Feiss emmer zu 2 eiskaalen Balloen... :-( Dat as definitiv net optimal fir Cross ze fueren!

Cyclo Cross Kopstal

2007-12-09T21:45:00.000+01:00

Fir all dei di Zeisseng mat erlieft hun (leider)...deenen kann ech mat rozuegem Gewessen soen dat et haut vill besser gelaaf as! Vlait nach net optimal mee et bleiwt io nach e bessen bis dei wichteg Rdv. D'Streck as mer och zimlech entgeint komm mat deenen langen Descenten an dem Bulli deen platzeweis iwwert Nuet entstanen as.

Leider, leider wor ech dat eenzegt wat Dammenkonkurrenz opgestockt huet an domadden wor et io net all ze schweier fir 1. Dame ze gin. Next Woch wert dat dann e bessen anescht sin. Zu Schmelz get et eng reng Dammecourse...kuke mer mol wei dat do leeft!

P.S.: Erklärung zum Peschbild um Schinnebeen: Ech wor no un engem Ermiddungsbroch, doweint den Tape als Präventioun!

rem online

2007-12-08T20:47:00.000+01:00

Leif Lieser,

ech hun erem nei Motivatioun fir des Sait bessi ze aktualiseiren! Et as io net deen eischten Aussetzer... ;-) Mee ech mengen dat et awer mol rem interessant wier eppes iwwert den Cross ze schreiwen! De Grond firwat ech dei ganzen Zait naischt mei geschriwwen hun, as och e bessen dat ech am gangen sin no enger neier Leisung wat Homepage betrefft, ze sichen. Wann een mer eppes ubidden kann, ech sin op fir alles! :-)

Mai Programm fir de Wanter :

09.12. Cross Kopstal
15.12 Cross Schmelz (Deutschlandcup)
19.12-22.12 Stage Piste Gent FSCL
23.12 Cross Remeleng
01.01 Cross Peiteng
06.01 Landesmeeschterschaft Cyclo Cross Contern

wat dono as gesi mer nach...wat awer fest as, ech hun Examen op der Uni dei 2 Deeg no der Championnat! Puhh dat get nach eng haard Noss!

bis geschwenn dann, bis et News gin!

Photo: http://www.just4fun.lu/

Weltcup Nürnberg

2007-09-22T18:32:00.000+02:00

Och wann et schon eng Woch hier as well ech dest awer net an de Vergiess geroden lossen a virunallem huet des Course schon seng Platz op deser HP verdingt well dat wor main absolut Top-Resultat dest Joer! Eng 21. Platz op engem Wetlcup, dat huet een net all Dag...

Hei main Bericht vun der UNIQA Sait:

"Dieses letzte Rennen der Weltcupserie in Nürnberg hat mich doppelt motiviert. Einerseits war es meine letzte Chance mich für die Weltmeisterschaft zu qualifizieren und andererseits ist das Profil dieses Rennens optimal für Sprinterinnen geeignet.Als Kaus (Kabasser) mir am Vorabend sagte dies wäre mein Renen, hab ich nicht ganz an meine wahre Chance geglaubt heute in die vorderen Ränge zu fahren. Ich kannte die Strecke nicht und es war erst mein dritter Wetlcupeinsatz. Als es dann in die siebte von neun Runden ging, hab ich begonnen an das zu glauben was mir am Vorabend noch wie ein Traum schien. Die letzte Runde ging es dann richtig heiss her. Das Tempo war plötzlch extrem hoch und der Positionskampf dominierte die heisse Schlussphase. Genau dabei fehlte es mir dann wahrscheinlich noch an der nötigen Erfahrung, dem Durchhaltevermögen und der Risikobereitschaft. In dem Masse hatte ich mir so ein Finale dan doch nicht vorgestellt. Am Ende war ich dann zu weit hinten um ganz vorne mitzufahren. So hat es dann knapp nicht gereicht um in die Punkteränge zu sprinten. Wenn man bedenkt dass wir uns Teamintern in den letzten Kilometern nicht mehr gefunden haben und ich meinen Sprint nicht ganz durchziehen konnte…
Auf jeden Fall hab ich jetzt mein Weltcuprennen gefunden und freue mich schon auf’s nächste Jahr! Schlussendlich bin ich absolut zufrieden mit meinem Ergebnis und für die Weltmeisterschaft bin ich jetzt auch nominiert."

Aus der Traum...

2007-09-02T18:33:00.000+02:00

Mat engem Breif wou drop stung "ABLEHNUNGSBESCHEID" sin all meng Dreem a Virstellungen vun deem scheinen Studentenliewen als Sportler geplatzt! Seit mind. engem Joer hat ech mech zimlech drop fixeiert no menger 1ère op Freiburg Sport studeiren ze goen. Hei haett d'Kombinatioun vun Student a Velosfuerer optimal geklappt. Mee leider leider as et elo net esou. Ech wor den daitschen Auswahlkriteren net gewues a muss dei Hoffnungen domadden opgin!

Elo hun ech mech dann ganz kuerzfristeg zu Nancy ageschriwwen, wou et ab nexten Meinden lass geet. Och wann ech am Ufank e bessen am Dilemma wor, freen ech mech awer elo op dei nei Erausfuerderung. Et muss een aus allem emmer dat Bescht machen. Il y a des solutions à tout!

Reng sportlesch geet et muer Meinden weider mat enger Course zu Chateaudun am Frankreich an en Denschden zu Bourbonne-les-Bains. Dest sin Coursen wou ech nees fir UNIQA fueren waert.

Albstadt Etappenrennen UCI 2.2 2. Etapp

2007-08-25T09:56:00.000+02:00

2. Etapp 92 km op engem Circuit vun 2,6km

Des Etapp huet eischter engem lange Kriterium geglach. All Tour 5-6mol relanceiren, dat spiert een herno no 35 Tier. Opwuel vir e Grupp fort wor as et hannen am Pak alles anescht ewei lues gangen. Sou as et dunn och komm wei et scho baal huet misse kommen, am 5t leschten Tour sin ech dunn och ofgehangen gin asi meng Course nach ferdeg gefuer.

1. Monika Holler, Bigla Cycling 2h02'34''
...
49. Nathalie Lamborelle à 2.18

Général:
1. Trixi Worrack, Equipe Nürnberger
2. Andrea Graus, Equipe Nürnberger
3. Nicole Brändli, Bigla Cycling
...
54. Nathalie Lamborelle, Team Lëtzebuerg

76 klasseiert

Mat deser Etappecourse as fir mech dann och eng relativ hard Trainingsperiod op en Enn gangen. Des Woch steet elo mol e bessen Regeneratioun um Programm an dann geet et weider an Frankreich mat UNIQA. Op ech elo zu Plouay um Weltcup kann dobai sin as na net secher, mee Meindes an Denschdes sin ech secher dobai.
Wei de weidere Verlaaf vu menger Saison elo ausgesait steet nach e bessen an de Wolleken, dat gin ech next Woch gewuer...

Albstadt Etappenrennen UCI 2.2 Prolog + 1. Etapp

2007-08-22T23:43:00.000+02:00

Mat ronn 100 Fuerinnen um Départ an deelweis ganz starke Konkurrentinnen as des Course ganz anescht wei lescht Joer wou ech och schon dobai wor.

Prolog: 4km

Hei as et leider net ganz gudd fir mech verlaaf. Kloer wor ouni Zaitfuervelo net vill ze machen (mai steet doheem?!), mee meng Konditioun wor och net dei allerbescht. Um Enn as et genee fir eng 84. Platz duer gangen vun 95 Starterinnen. Zefridden kann ech domadden natirlech net sin mee iergendwei leit et net esou aus der Welt no 10 Deeg hardem Training.

1. Hanka Kupfernagel 4'50''82

...

84. Nathalie Lamborelle 5'46''48

1. Etapp: 100km mat Bierg

10 Ronnen, dat heescht 10 mol e Bierg vun ronn 2km erop! Den Emstänn entspriechent sin ech zefridden mat enger Platz iergendwou an engem Grupetto.

1. Nicole Cooke 2h52'36''

54. Nathalie Lamborelle à 17.08

Mei enner: www.frauen-etappenrennen.de

Albstadt Etappenrennen UCI 2.2

2007-08-20T21:40:00.001+02:00

No engem 10-deegegen Training zu Freiburg geet et direkt weider an d'Albstadt.
Nodeems ech elo e puer flott Ecker am Schwarzwald mam Vroni aus der Equip erkundegt hun kommen elo 3 Deeg Course op mech duer. Dei 1. Etap (wann een dat esou nenne kann) as e Prolog iwwer 4km. Dono geet et weider mat enger Course iwwer 100 km mat engem Bierg dran an den leschten Dag stin dann nach eng Keier 92 km op engem lokalen Circuit, net einfach also, um Programm.
Wei et mer dann do ergangen as no engem relativ gudden Trainingspensum mei speit dann!

Weltcup Vargarda Schweden 05.08

2007-08-08T13:39:00.000+02:00

Schweden...meng 1. Rees an Skandinavien!! En Erliefnis genee ewei eng weider gudd Erfahrung.

Weltcup:

132 km op engem Circuit vun 11km op wellegem Terrain 12 mol, dat wor de Programm deen ustoung. Och wann deste Keier nemmen eng 100 un den Départ gangen sin woren di Stärkst wei emmer vertrueden an et as mol an eischter Linn drems gangen fir deenen hieren Tempo matzegoen. Dat as mer dann och bis 4 Tier viru Schluss relativ gudd gelongen. An desem Tour as et dunn awer mei eecht gin un der Spetz an am Bierg hun ech grad wei nach 15 aner Konkurrentinnen missen lass lossen. Mer sin eis Course dunn zu Enn gefuer an haten herno ronn 3min Retard op de grousse Peleton.

Och wann ech am leschten "Grupetto" ukomm sin, sin ech schon glecklech dat ech iwwerhaapt Arrivée gesin hun! Dest hun 33 aner Konkurrentinnen net gepackt, wat mer io och schon fir komm as...

Nexte Weltcup-asatz wert zu Nürnberg Mett Sepember sin.

Schweden:

Ech well awer net nemmen vun der Course erzielen, wann des mol eng Keier net hei an der Geigend wor. Meindes hate mer nach baal de ganzen Dag Zait fir bessi Tourist ze spillen, eisen Fliger as ereit owes gangen. Nodeems Göteborg eng kleng Enttäuschung wor, mer hun net richteg eppes fonnt do wat een hätt kenne besichen, si mer dem Navi nogefuer bis un d'Enn vum Festland. Do si mer op eng helle Wull vun Lait getraff dei all mat Schwammsaachen op eng Fär gangen sin. Mat 3h Zait hu mer dat dann och esou gemach an sin op eng vun deenen wonnerscheinen Inselen gefuer viru Göteborg.

Hei e puer Andreck:

Rathauskriterium Wien 03.08

2007-08-08T13:25:00.000+02:00

Victoire!!

Dat as se...di 1. fir des Saison op der Strooss! Och wann et "nemmen" e Kriterium wor as et emmer flott ze gewannen a besonnesch wann dest op enger flotter Equipenarbescht berout! Dat ech herno 26 Punkten um Konto hat hun ech vill menger Teamkomerodin ze verdanken dat mer di Sprinter all perfekt ugefuer as.
Dest wor net alleng fir mech wichteg, et wor virun allem wichteg dat um Enn eent vun UNIQA ganz uewen stoen geing. Vu dat eng zimlech stark Tschechin um Départ wor, wat ech nach vun Aigle kannt hun, konnte mer Saach net ubrennen lossen. An deem Seen hun ech Chance dat ech dei eenzeg Sprinterin an der Equip sin, do hat ech d'Saach an der Hand...

Klassement:
1. Nathalie Lamborelle Team UNIQA 26 Punkte
2. Monika Schachl Team UNIQA 16 Punkte
3. Jarmila Machacova Dukla Praha 15 Punkte

Course Vodélée (B)

2007-07-30T13:40:00.000+02:00

9. Platz Course; 23. Platz Clm; 4. Général U23

E Samsden hun ech bei der Classic de l'Hermeton zu Vodélée an der Belg deelgeholl. Moies stung en Zaitfueren iwwer 11,3 km un Programm a Mettes eng Course en ligne iwwer 84 km mat net manner wei 1000hm! Enner 70 Konkurrentinnen woren schon alleng 3 grouss Equipen (UCI Equipen) erem ze fannen: AA-Drink, Lotto-Belisol an Vlaanderen Capri Sonne T-Interim.

Am Zaitfueren Moies, eng Disziplin dei mer net esou leit, koum ech op di 23. Platz wou schwedesch Meeschterin Emma Johansson gewonnen huet.

An der Course Mettes as et dunn awer nach besser gelaaf. Nodeems schon frei e Grupp vu 5 fort woren, wou baal aus all Equip eent vertrueden wor, sin ech selwer no 50 km attackeiren gangen an konnt mech litt ofsetzten vum Peleton. Et sollt awer net vir lang sin. Speitstens an engem Bierg vun 12% huet de Peleton reageiert an ech gouf ageholl vun 2 AA-Drink, 2 Lotto, an 3 Vlaanderen Capri Sonne mat der Leaderin vun der Course Emma Johansson. Un desem Grupp hun ech mech awer nach konnten upacken a sin mat deenen Course zu Enn gefuer. Zum Schluss as et dunn awer op Ganzt gangen an ech konnt mech nach als 9. op Arrivée retten! Zumols mam Ausgang vun der Course sin ech ganz zefridden, vu dat di eischt 12 Platzen vun Leit aus UCI Equipen besaat woren.

No desem Eifer hat ech dann och gemengt Sonndes geing et nach eng Keier goen, hun awer missen frei Leiergeld gin an sin des Course an Daitschland net zu Enn gefuer. Dat wor dann awer bessi zevill des Gudden! Aus Feeler leiert een...

Nexte Weekend waert ech dann no langer Zait erem eng Keier mat menger Equip UNIQA zesumme sin. E Freiden sin ech um Départ vum Rathauskriterium zu Wien an e Sonnden vertrieden ech di Waiss-blo Faarwen vun UNIQA beim Weltcup a Schweden zu Vargarda.

Mei Info enner:

http://www.sportorganisation.at/rathauskriterium/index.htm
http://www.worldcupvargarda.se/

Zereck am Coursegeschäft

2007-07-22T19:09:00.000+02:00

Leschte Weekend hat ech meng Rentrée bei den Coursen mam LBS-Cup an Baden Württemberg, 4 Kriterien, wou et net sou schlecht gelaaf as fir den Ufank. Direkt op der eischter Etapp wor d'Eisen nach am gliddeschsten an do as dunn och schons eng 3. Platz erausgesprongen. Dono as et nemmi grad esou weit no fir gangen mat 5., 6., an 8. Platzen.

Dese Weekend stung dun fir d'eischt des Saison eng belg Course um Programm. Dest zu Flobecq an der Wallonie wou ech schons lescht Joer gefuer sin. 85 km, 70 um Départ dorenner bleg Championne a 35 Moyenne iwwert en welleschen Tour dat huet et schons an sech. Och wann vill Attacken woren ganz Course iwwer as e Peleton zesummen bliwwen wou just eng Konkurrentin ganz zum Schluss nach konnt erausfueren. Sou as et nach em di 2. Platz an deem Peleton gangen, wou ech herno op di 8. Platz komm sin an der Course.
Weider Letzebuergerinnen um Départ woren Christine Majerus an Monique Ludovicy. Christine wor nach kuerz viru Schluss an eng Chute verweckelt an Monique as am 2. Peleton agelaaf.

Alles iwwerstanen...

2007-06-20T21:13:00.000+02:00

Examen, Operatioun, haut hun ech och dei lescht Hürd gepackt. Schoul as ferdeg an Waissheetszenn sin eraus. Demno kann ech mech lo ganz op meng nächst Zieler konzentreiren. Fir d'eischt muss ech elo nach e bessi traineiren goen fir main Eignungstest op der Uni fir de Sportstudium d'nächst Joer. Hei steet Turnen, Liichtathletik, Schwammen, Gymnastik an 2 Ballsportarten um Programm. Mat nach bessi Übung misst dat dann hoffentlech klappen. Wann dann alles esou leeft wei ech dat hoffen, dat sin ech ab Oktober zu Freiburg op der Uni fir Sport ze studeiren. Donieft fannen ech do och optimal Konditiounen fir Velo ze fueren.

Kee Championnat...

Leider sin ech no deser Operatioun net schnell genuch erem fit fir um Championnat kennen unzetrieden. Dest bedauren ech natirlech extrem an et wert och ganz schweier gin fir mech, hei zu Scheffleng, bei mengem eigentlechen Heemspill, mussen nozekuken. Mee bon Gesondheet geet emmer nach vir an ech wollt de Risiko einfach net agoen nach eng Entzündung ze kreien.
Bis Enn September bleiwt mer awer nach genuch Zait fir mech op main grousst Ziel virzebereeden: Weltmeeschterschaft vun der Elite zu Stuttgart.
Dei next Course wert ech viraussichtlech Mett Juli fueren.

Paus

2007-04-27T20:49:00.000+02:00

Nodeems ech virun 2 Wochen schons eng Emtzündung am Waisheetszand hat, as elo schon dei nächst um Rendez-vous. Dest bedeit dann elo definitiv den Aus fir eng Zaitchen. Zudeem muss ech dei 4 Zenn och nach gerappt kreien wat awer schon e klengen chirurgegen Agreff mat sech brengt.

Hoffentlech kreien ech dat esou schnell wei meiglech iwwert Bühn nom Examen, sos gesait et schlecht aus fir 2. Halschent vun der Saison. Lossen mer dat Bescht hoffen...

Op alle Fall sin Coursen elo eng Zaitchen fir mech gelaaf. Wann alles riit aus geet dann waert main "Comeback" an des Saison emt Championnat leien. Bis dohinner konzentreiren mech dann elo voll a ganz op Schoul wou den Premièresexamen virun der Dier steet.

Keng Course dese Weekend

2007-04-07T12:55:00.000+02:00

Tjo et leeft eben leider net emmer alles wei een et sech sou virstellt.
Leider sin ech am Alter vun een mol Problemer mat de Waissheetszenn kreien kann. Sait en Denschden hat ech hefteg Zennwei. Diagnose: Entzündung beim Waissheetszand. 7 Deeg Antibiotika an natirlech nemmen nach beschränkten Training.
Ech hoffen lo just dat et mech net zevill no hannen geheit dat ech awer nexten Samsden (14.Abrell) Ronde van Drenthe (WC) matfueren kann.

Teampräsentatioun UNIQA

2007-04-07T12:50:00.000+02:00

Den 3. Abrëll as eis Equip offiziell mat enger klenger Pressekonferenz um Grazer Flughafen virgestallt gin.
Hei hun ech dann och mol konnten dei ganz Equip kennen leiren. Ganz intressant mol mam Jeannie Longo ze schwätzen...
Wann d'Haaptziel vun villen des Saison waert sin sech fir Olympia ze qualifizeiren dann waert ech mol probeiren mech do an der Equip ze etableiren an Erfahrungen ze sammelen bei denen "Groussen".

Bei deser Geleenheet sin dunn och e puer Fotoen gemach gin. Wat et alles naits get kennt der geschwenn op der naier Sait vun der Equip gesin.

Trofeo Alfredo Binda UCI 1.2

2007-04-07T12:41:00.000+02:00

Leschte Sonnden hun ech un enger internationaler offizieller UCI Course am Trikot vun UNIQA Deel geholl. Dest bedeit dann och glaichzaiteg dat dest direkt e ganz aneren Niveau vun Course as.
125km 8 Ronnen vun 15km, 1600 hm, 160 um Départ

Dest wor en eischten groussen Härtetest, deen ech awer och leider net sou richteg bestanen hun. Vun Ufank un as e gudden Tempo gefuer gin an mat zwou Koppen an engem Tour gouf et och net vill Meiglechkeet sech lang auszerouen. Wei bekannt sin ech keng grouss Künstlerin an de Koppen an hu missten ferm kämpfen. No 6 Ronnen huet awer och dest naischt mei gehollef an sin am Grupetto gelandt. Mee do sollt ech dann och keng Arrivée mei gesin. 1min hannert dem Peleton hun mer dunn zu 15 missen Course ophalen.

Dat sin meng Erfahrungen aus menger eischter grousser Course mat der Equip. Net dei Allerbescht mee lo wees ech wou Kiischten hänken an sin em sou motiveiert dei och eng Keier ze pläcken wann et un der Zait as!!

Gewonnen as Course gin vum Nicole Cooke. (Nr.1 an der Weltranglescht vun 2006)

Köln-Schuld-Frechen

2007-03-25T20:07:00.000+02:00

1. Mos Christine Team DSB Bank Niederlande 80km an 02:03.40
2. Becker Christina Team Getränke Hoffmann
3. Brennauer Lisa Equipe Nürnberger
…
20. Lamborelle Nathalie Team Coogee Saar (Retard onbekannt)

Bei schwieregen Wandverhältnisser koum as baal nemmen Bordure gefuer gin wouduerch de Peleton emmer mei auserneen gerappt gin as. Ech konnt mech dunn am 3. Grupp mat 20 Leit upacken aus deem ech herno als 3. iwwert d'Arrivée gefuer sin an domadden dat 20. gin sin.

-> Nexte Weekend sin ech an Italien am Asatz mat UNIQA, beim Gran Premio Alfredo Binda UCI 1.2. Main 1. Asatz an der Uquip. Den 3. Abrell as dann och Virstellung vun der Equip zu Graz.

Bundesliga Einhausen

2007-03-25T20:01:00.000+02:00

95 km an 02.31.58 70 Starterinnen

1. Regina Schleicher, Equipe Nürnberger
...
19. Nathalie Lamborelle 3.42

Op engem flachen Parcours mat vill Wand, as et am 2. Tour vun 9 zu der entscheedender Atack komm wou ronn 10 Leit fortkoumen, haaptsächlech dei 2 grouss Equipen Equipe Nürnberger an Team Getränke Hoffmann. Mei speit as dunn dei speider Gewennerin an Ex-Weltmeeschterin Regina Schleicher mat engem aneren nogesprongen. Fir dei 1. Course hun ehc et bessi mei roueg ugoen geloss an sin am Peleton herno em di 12. Platz op dei 19. komm.

Lo geet et geschwenn nees lass...

2007-03-08T20:20:00.000+01:00

Den 18. März as et esou weit. Dann fueren ech meng 1. Course fir des Saison. Bis den 22. Abrell sin ech am Ausland am Asatz, dono waert ech mech dann haaptsächlech op d'Schoul konzentreiren an nach viraussichtlech bei 3 Coursen hei am Land untrieden. An deser 1. Halschent vun der Saison stin schon direkt e puer flott a schweier Coursen um Programm. Zumols dei 2 Coursen mat UNIQA waerten en echten Iwwerliewenskampf gin fir mech. Wann an Italien vlait nach net dei absoluten Cracken um Départ sin dann as dest awer secher de Fall beim Weltcup. Wei gesot bleiwt main Haaptziel des Saison eischt Erfahrungen bei deenen Groussen ze sammelen an wei et dann meiglech as dat Bescht dorauser ze machen.

Hei de genee Programm:

18. März Bundesliga Einhausen (FSCL)
25. März Köln-Schuld-Frechen (Coogee)
01. Abrëll Trofeo Alfredo Binda UCI 1.2 (UNIQA)
03. Abrëll Teampresentatioun UNIQA
08. Abrëll Schönaich LBS-Cup
14. Abrëll Ronde van Drenthe Worldcup (UNIQA)
22. Abrëll Bundesliga Karbach (FSCL)
29. Abrëll GP Futur Géant de la Route
06. Mee Kayl
13. Mee Schëffléng

News

2007-01-26T13:31:00.000+01:00

COSL Espoir Kader

Nodeems ech 2006 an den Kader "Jeunes" nomineiert gi sin, sin ech fir dat 2. Joer an den Espoir Kader komm. Dat as alt erem eng kleng Motivatioun mei fir Strossesaison 2007.

Doniewt as Cyclo Cross Saison ofgeschloss. Och wann ech leider nemmen 3x ugetrueden sin kann ech duerchaus eng positiv Bilanz aus deer Mini-Saison zeien. Op alle Fall hun ech rem Spass un der Saach fonnt an dei Idee, dei mer nom 1. Cross vun deser Saison an de Kapp koum fir de Crossvelo op den Nol ze hänken hun ech no Leideleng definitiv vergiess. Nächst Joer sin ech secher nees derbai, vlait och mei oft dann!! Wat mech och nach sou begeeschtert huet op de Crossen a virun allem zu Leideleng an am Bambesch wor dei super Stemmung, dat as op der Stross bessi anescht...all Disziplin huet eben hiere Charakter.

Dese Weekend hun ech main 1. Teamtreffen mat mengem neie Club Coogee Saar. Dest fennt zu Losheim am Saarland statt.

bis demnächst dann

Hei nach e puer Fotoen vum Cyclo Cross

Championne am Cyclo Cross

2007-01-08T06:04:00.000+01:00

D'Saison 2007 hätt net kennen besser ugoen! Eischten Optrett am naien Trikot an dann schon direkt Chapionne an dat awer bessen mei onerwaart am Cyclo Cross.

Nodeems ech no Zeisseng bessen d'Flemm hat mam Cross an och net mei fueren konnt weint der Schoul, hun ech mai Spass um Cyclo Cross, trotz ganz schlechten Konditioun geschter erem zereck gewonnen. Natirlech hängt dat och domadden zesummen dat ech ouni Drock fueren konnt, schliesslech hat ech naischt ze verleiren, dat ech am 2. Tour rem Spetz konnt iwwerhuelen an dei super Kuliss vn Zuschauer dei geschter zu Leideleng wor. Sou vill Ennerstetzung brengt engem Coureur, trotz greissten Ustrengungen, emmer nac e klenge Schub no vir! Merci dofir!!

Schlussendlech sin ech frou dat ech awer gefuer sin, och wann ech um Ufank vun der Woch menger Saach op eemol selwer nemmi secher wor. Egal wei schweier et och emmer as, Bedingungen sin fir jiddereen dei selwescht an dee Stärkste wennt um Enn.

Deen 1. Titel am Cyclo Cross no 2 Joer Vize-championne (2004,2005) brengt natirlech e ganze Koup un Motivatioun mat sech fir an Strossesaison ze starten.

Nexte Sonnden sin ech dann selbstverständlech och um Départ um Millebacher Cross am Bambesch, schliesslech muss deen scheine Roud-weiss-bloen Trikot och zum Virschein kommen!

Championnat National Cyclo Cross

2007-01-05T20:19:00.000+01:00

Wei schons dei lescht Joeren, bis op lescht Joer wou ech krank wor, waert ech och dest Joer nees d'Championnat am Cyclo Cross matfueren.
Leider sin ech am Virfeld net wieklech dozou komm fir mei Crossen ze fueren, bedingt dat ech mol an der eischter Halschent vum Joer gekuckt hun fir d'Schoul einegermossen op Rei ze kreien.
Sou kennt et dann och dat des Participatioun an eischter Hinsicht geduet as fir Dammecourse mei vollstänneg ze machen an als klengen Test, wei all Joer, fir bessen ze kuken wei d'Form as.

Dest waert awer och dei eischt Course am neien Trikot sin, am Trikot vum Team Uniqa.

Insgeheimt geing ech mer wenschen dat et e Sonnden -5 Grad geingen gin, dann wier dei flott Streck vill besser ze fueren!!

Stagen zu Gent (B) an Engadin (CH)

2007-01-04T09:19:00.000+01:00

Stage op der Bunn zu Gent

Virun Kreschtdag huet FSCL e Stage vun 3 Deeg op der Bunn zu Gent, am Wielercentrum Eddy Merckx organiseiert. Hei hun em 30 Sportler Deel geholl, dorenner Junioren, Espoirs, eis 4 Profien an 3 Damen.
Traineirt gouf all Dag moies a mettes traineirt. Dat as emmer erem en intressanten Training vu dat mer Letzebuerger jo nach net vun enger Bunn profiteiren kennen.

Schistage am Engadin zu Pontresina

Wei och schons lescht Joer huet FSCL nees e Stage am Schnei organiseiert. An dest net aus egalweiengem Grond. Hei get sech emmer super ameseiert an dobai nach alternativ traineirt...op de Laanglaafschi!

Wei gesot as moies 2-3h an der Loipe an der fraier Technik (Skating) trainiert gin an mettes konnte mer dann eis e bessen um Bierg austoben. Bei zwa weineg Schnei mee dofir awer super Wieder sin dei 5 Deeg natirlech erem vill ze schnell emgangen.

Alles an allem wor des Vakanz zimlech ofwiesslungsreich bis elo. Vun der Bunn op Schi an dono erem op de Velo! Och dat as heindo ganz wichteg fir Motivatioun an och fir den Opbau am Wanter.

Neiegkeeten fir 2007

2006-12-19T07:19:00.000+01:00

Neiegkeeten fir 2007

E Kontrakt mam Team Uniqa Graz an en neien Club, Coogee Saar.

No 2 Joer bei den Juniorinnen, kommen ech elo next Joer bei dei „Grouss“. Well et bei den Dammen keng richteg U23 Kategorie gett sin ech also direkt Elite. Dest as awer e groussen Sprong deen secherlech net einfach gett. Mat der Zait huet den Dammen-Velosport seng Entwecklung erliewt an domadden huet sech och eng Weltspetz etableiert wou et emmer mei schweier get sech an deem Peloton ze integreiren.

Fir eischt Erfahrungen ze sammelen hun ech dofir e Kontrakt mat der eisterreichescher Equip Uniqa Graz ennerschriwwen. Dest ermeiglecht mer un grouss internationalen Dages- wie Etappencoursen wie och Weltcupen Deel ze huelen. An dest net an egal weiengem Emfeld. Mat 5 Olympiastarterrinnen an der „Grande Dame“ vum Cyclissem, Jeannie Longo, befend sech Uniqa Trupp ennert den Top15 an der Weltranglescht.

Well dest Joer de Velo awer net alleng am Mettelpunkt steet an ech och net emmer sou vill Zait investeiren kann viru Juni (Premières-Examen) hun ech hei vir am Saarland eng Dammenequip fonnt, Team Coogee Saar mat deen ech regional an international Coursen hei an der Geigend fueren. Dest as dann och main naien Club, deen ech hu misse wiesselen fir e gemeinsamen Start ouni Komplikatiounen.

Des weideren fueren ech awer och nach di eng oder aner Course am Trikot vun der Nationalequip.

Fir wieder Informatiounen:

http://www.team-uniqa.com/
http://www.team-coogee-saar.de/

http://www.radsportverband.at/
http://www.sport1.at/395+M5301ef33703.html

E Merci geet awer un de Schefflenger Velosclub LP07 Schéfflëng bei deenen sech dat ganzt e bessen entweckelt huet, dei mech och fraigestallt hun.

Saison 2006

2006-09-26T18:45:00.000+02:00

Saison 2006 as ofgeschloss!

Mat der Bundesliga op der Bunn zu Köln hun ech meng Saison definitiv ofgeschloss. Ech konnt hei e bessen Bunnerfahrung sammelen an hun um Enn na eng 11. Platz gemat wou ech 2 Punkten erhascht hat während der A-Final.

Ech sin och ganz zefridden mat deser Saison. Och wann ech am 1. Deel vum Joer e bessen no menger Topform gesicht hun sou as et speitstens no der Europameeschterschaft nemmen nach biergop gangen mat enger 9. Platz op der Weltmeeschterschaft an der Bestätegung vum leschten Joer. Och Reslutat aus der Ardèche leist hoffen fir Zukunft.

Meng haapt Resultater dest Joer:

9. Platz Junioren WM
18. Platz Junioren EM
2x 3.Platz Championnat

1. Platz Bundesliga Queidersbach (D)
1. Platz Etoile de l'Est Thierville (F)
2. Platz Grand-Rechain (B)
4. Platz Albstadt 5.Etappe
16. Platz Albstadt Gesamt (2.Jun)
7. Platz Tour d'Ardèche 3.Etappe
26. Platz Tour d'Ardèche UCI 2.2 Gesamt (6.Esp)

No enger klenger Paus geet Wantersaison un wou ech probeiren IeC sou gudd ewei meiglech mat Sport ze kombineiren. Ech waert am Wanter viraussichtlech e puer Crossen fueren, Schilanglaaf an och vlait e bessen Bunn wann Meiglechkeet sech bidd.

Albstadt Etappenrennen 2006 5.Etappe

Tour d’Ardèche UCI WE 2.2 5.09 – 9.09

2006-09-11T09:38:00.000+02:00

Vun en Denschden bis e Samsden stung Tour d’Ardèche um Programm, Kategorie UCI WE 2.2 mat 5 Etappen an 1 Zaitfueren. Vill bis ganz vill Bierger missten mer op eis huelen an och achtbar Distanzen e gudd Steck mei ewei dat lescht Joer de Fall wor. Wat Konkurrenz betrefft die wor dest Joer net mei sou zahlreich, knapp 65 Fraleit stungen um Départ dest well nach vill aner Coursen am Moment sin mee Qualiteit huet awer trotzallem gestemmt, mat Nobili a Fassa Bortolo woren schon 2 stark UCI Equipen vertrueden grad esou wei Nationalequipen aus Russland, Litauen mat der aktueller Juniorenweltmeeschterin, Kanada an Südafrika. Dest as natirlech e ganz aneren Niveau an eist Ziel wor et fir eis sou gudd ewei meiglech duerchzeschloen.

Denschden, 1. Etapp 92 km 2:37:32 1010hm
Schon direkt den 1. Dag as et hell ewech gangen. Am 1. GPM hun ech probeiert mech un d’Weltmeeschterin ze haalen mee do hat ech mech deen Dag dach e bessen iwwerholl dee Moment. Ech gouf knapp ofgehangen an hun et och leider nemmi gepackt fir mech an den Autoen nees erunzekämpfen, Luuten woren eben aus…No 40 km Solofahrt duerch Pampa hun ech dunn am leschten GPM 5 km virun der Arrivée erstaunlecherweis den leschten Wupp vum Pak eremgesin. Do wor ech natirlech rem motiveirt an hun nach eng Keier dat Allerlescht mobiliseiert an der Biergarrivée. Um Enn sin ech op der 44. Platz gelandt wat fir mech ganz an der Rei wor.

Resulater:
1. Edita Pucinskaite (Nobili)
44. Nathalie Lamborelle 6.33
45. Isabelle Hoffmann 7.36
58. Christine Majerus 21. (gouf falsch geleedt, a war mega rosen!!)
DNF Betty Kinn (konnt net dépanneiert gin, huet missen ophaalen, schued)
DNF Christine Kovelter (leider nemmi am Zaitlimit)

Mettwoch, Clm 3,3 km
Och wann et nemmen kuerz wor et as die eng Sait Biergop gangen an dei aner Sait erof. Hei sin ech op der 39. Platz gelandt an 6.10. Christine an 6.13 an Isabelle an 6.16.

2.Etapp 91 km 2:38:20 1485hm
Eng schweier Etapp mat 4 Biergpraisser, 2x 2. Kat, 1x 3. Kat an zum Schluss nach eng Keier eng onendlech Montée vun ronn 15 km 1.Kat. Mee dat alles konnt mech net dovun ofhaalen fir am Pak ze bleiwen. Ech konnt um Enn mam Pak deen nach aus ronn 30 Fuererinnen bestanen huet iwwer d’Arrivée fir dei 5. Platz fueren an eng 11. Platz eraushuelen. ;-) Dem Chrisitne as ähnleches gelongen, hat as 18. gin. Dem Isabelle as et leider net esou gudd ergangen, hat krut Krämp an konnt an der langer an schneller Descente de Pak nemmi haalen, as dono nach falsch geleedt gin an krut 22 min op Box die et secher net all verdingt hat.

Resultater:
1. Silvia Valsecchi (Nobili)
11. Nathalie Lamborelle 0.48
18. Christine Majerus
52. Isabelle Hoffmann 22.04

Donneschden, 3. Etapp 115 km 2:59:10 855hm
Zur Ofwiesselung mol eng Etapp die net grad esou schweier wor an domat hat ech se och bessen am Viseier. Gescht wor mei eng Iwweraschung mee haut hat ech dach schon bessen eng welles zumols well eise Mecano den Tun mat enger Wett gelackelt hat die gescht knapp doniewt gangen as. Et huet geheescht eng Top10 Platz an hien mescht eng Sangria. Esou eng Chance dief een sech natierlech net entgoen lossen. Och wann et zum Schluss zimlech hektesch zougangen as an och verdammt schnell hun ech mech vun naischt ofschrecken geloss an sin am Sprint fir di 2. Platz op di 7. Platz gesprint…Juhu (zudem wor ech schon fir 2. virun der Weltmeeschterin hehe)

Resultater:
1. Samplonius Anne (Kanada)
7. Nathalie Lamborelle 0.45
17. Christine Majerus
48. Isabelle Hoffmann 0.57

Freiden, 4. Etapp 123 km 3:44:53 2170hm Kinnegsetapp
Ech gleewen glaich selwer nemmi wat ech grad an desen Deeg hei erliewen. Den hellen Wahnsinn…ech sin nees am Pak ukomm mat deenen eischten!!! Esou eppes wier mer am Dram net agefall mee bon et as wouer gin. Christine an ech mer hun eis tapfer geschloen sin just ganz knapp ofgehang gin am Col a woren direkt nees drun an der Descente, schliesslech sin mer ze Raudien. ;-) Um Enn woren mer total dout mee erstaunlecherweis konnt ech nach di 14. Platz erhaschen mat 6 Sekonnen Retard an hat die 24. mat 10 Sekonnen. Et wor einfach e super Moment fir eis 2 mer hun eis gefreet wie kleng Kanner. Dono wor ech dat 28. am General an 6. Espoir!

Resultater:
1. Clemida Fernandez Silva
14. Nathalie Lamborelle 0.06
24. Christine Majerus 0.10
Ab. Isabelle Hoffmann

Samsden, 5. Etapp 94 km 2:44:26 1515hm
Dee leschten Dag, mee naischt as eis erspuert bliwwen. Et as nach eng Keier hard zur Saach gangen. Mer hun allen 2 wei di Well gekämpft mee konnten et net verhenneren fir aus dem Pak ze faalen. Favoriten hun sech nach eng Keier e richtegen harden Kampf geliwwert a mer hun alles drun gesaat fir eis Platzen am General ze haalen. E Retard vun 1 min si mer erem zougefuer zu 2 an sin rem an de Pak zereck komm kuerz virun der Final wou et nach eng Keier sauer erop gangen as. Do hu mer dat Allerlescht mobiliseiert mee am Pak si mer nemmi bliwwen. Mee nujee ech hun just nach 25’’ op den Haaptgrupp verluer an Chrisitne 1’.

Resulater:
1. Edita Pucinskaite
26. Nathalie Lamborelle 0.47
29. Chrisitne Majerus 1.29

Schlussklassement:
1. Edita Pucinskaite LTU 14:51:17
2. Tatiana Guderzo ITA 1.18 (1.Esp)
3. Clemida Fernandez Silva BRA 1:42

26. Nathalie Lamborelle 8.13 (6.Esp/1.Jun)
33. Christine Majerus 23.29 (10.Esp)

45 à l’arrivée / 63 partantes

Um Enn vun deser schweirer Etappecourse op Elite-niveau mat 525km, 15h an 7100hm kann ech nemmen soen dat ech mech selwer iwwerascht hun. Ech hätt am Virfeld nie geduet dat ech iergendeng Biergetapp am Pak geing ukommen. Mat deenen Platzeirungen hat ech och niemols gerechent, mee bon wat et mei onverhofft kennt wat een sech mei driwwer freen kann.

Bundesliga Queidersbach

2006-08-28T11:16:00.000+02:00

1. Platz

Genial! Eng Victoire an der Bundesliga dat as schon eppes Besonnesches zumols wann de Sprint sou wor dat et 2 Gewennerinnen goufen! Obwuel d'Organisatoren mat modernster Technik ausgerüst woren konnten si um Fotofinish keen Ennerscheed erkennen!

No 70 km iwwer hiwwelegen Terrain sin 20 Fuererinnen vun 44 iwwereg bliwwen am Pak deen dunn an de Sprint koum. Ech konnt mech relativ platzeiren an hat domat eng gudd Ausgangspositioun an deenen leschten 500m wou et liit biergop gangen as. Mat engem sougenannten Tigersprong konnt ech mer dunn dei 1. Platz secheren.
Sos as Anamrie nach op di 10. Platz komm an Christine op di 25.

Dest wor di 2. Victoire fir dest Joer. Weider steet lo nach en Denschden e Critérium zu Fameck hei vir am Frankreich um Programm an dono vum 5.-9. September Tour d'Ardèche.

Albstadt Frauen-Etappenrennen 16.08-19.08

2006-08-19T15:45:00.000+02:00

Vun e Mettwoch bis e Freiden hun ech mam Team Lëtzebuerg un deser internationaler Course iwwer 5 Etappen Deel geholl. Net nemmen all eenzel Etapp wor usprochsvoll mee och die international Konkurrenz huet dat Ganzt net einfach gemeet. Virop d’Equipe Nürnberger Versicherung, die erfollegsreichst Damen-Profisequipe, Bigla eng wieder Profisequipe aus der Schwaiz souwei Nationalequipen aus Schwaiz, Norwegen a mer…fir nemmen dei ze nennen sou dat e Peloton vun 60 Fuererinnen zesummen koum.

Hei eng kleng Zesummefassung vun all Dag:

Mettwoch, 63 km Biergcourse
Eng relativ schweier Course, mat engem Bierg vun 3 km deen ganzer 9 mol ze fueren wor. Hei hun Nürnberger natirlech net mat sech spille geloss an haten um Enn och mam Trixie Worrack d’Gewennerin. Ech sin eigentlech och ganz zefridden mat deser Course wou ech eng 15. Platz mache konnt…als net sou begeschtert Biergfuererin.

Donneschdes
2 Etappen Bierg-Clm 3,6 km, Kriterium 50x 1 km.
Dat wor iergendwei net sou main Dag. Moies am Clm konnt ech alt nach eng 25. Platz erausfueren mee owes as dunn awer definitiv nemmi vill rondrem gangen. 35. an 2 mol iwweronnt…“Black Day“. Och wann ech nie sou rosen sin wann et bessi flach geet sou konnt ech awer och absolut net warm gin mat deser Streck. 6 Keiren an 1 km dat as sou ustrengend ze fueren do wie rech leiwer nees e Bierg eropgefuer.

Freides
2 Etappen 15x4 km, 50x 0,9 km
Highlight Dag!! Obwuel et baal flach wor moies wor et eng extrem sauer Course, nemmen Bordure, daat heescht eent hannert deem aneren an de Wand as voll vun der Sait komm. Nodeems et awer nees daitlesch besser gangen as wei geschter hat ech knapp Chance verpasst fir e waissen Trikot ze huelen als bescht Juniorin vun der Etapp, wor et owes definitiv esou wait. Dei lescht Chance an wascheinlech awer och die scheinsten Geleenheet. Virun engem super Publikum an enger ganz flotter Stemmung hun ech et ferdeg bruet dat 4. ze gin am Sprint em di 2. Platz an dat hannert 2 Nürnberger an 1 vu Biglia! Dat wor schon e beweegenden Moment mat deenen zesummen um Podium ze stoen an ofgeliicht ze gin!

Am General sin ech op di 16. Platz komm an 2. Juniorin um Enn. An bis op Donneschdes wou et net esou gudd gangen as sin ech ganz zefridden mat desem Resultat. Ech hun alt nees vill Erfahrungen gesammelt fir Zukunft an am allgemengen flotter awer och harder 3 Deeg erliewt.
Nexte Rendez-vous as den 27.08 eng Bundesliga-Course ier et den 5. September an d’Ardèche geet op eng weider hard Etappecourse.

WM 2006

2006-08-13T22:26:00.000+02:00

9. Platz

Genial!! Obwuel ech mer selwer als Ziel gesat hat eng Top 15 Platzeirung ze errechen wor ech mer vun Ufank un bewosst dat dest schweier ze errechen wier. Mee Zieler soll een heich usätzen krut ech mol eng Keier gesot.

Op engem schweiren Circuit iwwer 13 km mat 3 Steigungen dovun dee leschten em 1.5km as et wei erwaart zu enger Ausscheedungscourse komm. Och wann et e puer Attacken goufen sou konnt awer nie eent sech richteg ofsetzen. Am leschten vun 5 Tier as dunn Mie Lacota aus Dänemark (Weltmeeschterin 2005 an Europameeschterin) fort gangen wat awer dei falsch Taktik wor. Um Formel 1 Circuit as de Pak nees opgerullt, deen allerdings nemmen nach aus 15 Fuererinnen bestanen huet, no enger Chute vun 8 Leit, an dunn konnt sech Litauerin Rasa Leleivyte am Sprint kloer duerchsetzten virun 2 Italienerinnen. Mee bon Litauerin wor lescht Joer awer och schons dat 3. a bekannt wor et mer och schon relativ gudd...

Aus menger Sicht wor dat ganzt nach mei intressant well ech 1 Tour gefuer sin mat enger gebrachener Speechel am Rad, nodeems eent mer dran gerannt wor am Ufank vum 3. Tour. Mee wou ech dunn nees op mengem alen Velo sutz as et baal vum selwen gangen...schliesslech wor dat jo och de Velo vu lescht Joer! ;-)
Mam alen vertrauten Material hun ech mech dunn super gudd gespuert sin vir matgefuer an sou as et dunn eben och zu der 9. Platz komm. Vun engem richtegen Sprint konnt een och nemmi schwätzen. Arrivée huet sech iwwer 1,5 km liit steigend gezun an de ganzen Pak wor nemmen nach eng eenzeg File indienne.

Alles an allem lescht Joer 5. Platz wor eng absolut Iwweraschung mee dest Joer 9.Platz wor d'Bestätegung. An doriwwer sin ech einfach iwwerglecklesch!!

1. Rasa Leleivyte (Lithuania) 2.01.16 68 km
2. Marina Romoli (Italy)
3. Eleonora Patuzzo (Italy)
4. Linda van Rijen (Netherlands)
5. Karol-Ann Canuel (Canada)
6. Cherise Taylor (South Africa)
7. Alena Amialiusik (Belarus)
8. Gloria Presti (Italy)
9. Nathalie Lamborelle (Luxembourg)
10. Julie Krasniak (France)

Coursen an der Belsch

2006-08-06T18:09:00.000+02:00

3. Platz Grand-Rechain (B)

Dese Weekend sin ech 2 Coursen an der Belsch gefuer. De Samsden eng Juniorinnen Course mat internationaler Bedeelegung wei Australien, Canada, Ukraine, Groussbritannien, Holland, Belsch a mer natirlech. No 65km konnt eng Australierin sech feiren lossen. hat hat sech 2km virun Schluss ofsetzen an huet sai Virsprong knapp bis op Arrivée retten konnten.
Am Sprint em di 2. Platz konnt ech nach eng gudd 3. Platz erausfueren nodeems ech 2 Ronnen alleng vir an der Echapé wor.

E Freiden sin ech zu Berlare gefuer. Hei koum ech um no 84km op dei 11. Platz an engem gehirlos brutalen Sprint fir dei 3. Platz. Och wann ech normalerweis och bessi drecken mee dat hei wor mer awer dunn ze gefeierlech gin a schliesslech as next Woch reit dei Course wou zielt! ;-) Mee as letzebuerger Sicht konnte mer awer en Erfolleg feiren. Anmarie konnt sech um Enn geint eng kalifornesch Konkurrentin durchsetzen an huet domat Course gewon. Gleckwonsch!

!! Net vergiessen nexte Sonnden as WM!! (mei dozou am leschten Artikel oder op http://www.junior2006.be)

Junioren Weltmeeschterschaft Spa Francorchamps 13. August 2006

2006-08-01T21:13:00.000+02:00

Wm steet virun der Dier. An 2 Wochen as et sou wait. Dofir laafen och lo all Virbereedungen, harden Training an vill Coursen. Wei dir zwa bestemmt all wesst konnt ech virun engem Joer an Eisterreich dei dach zimlech iwweraschend 5. Platz erausfueren. Ech wier natirlech absolut guer net rosen wann et deste Keier nees zu engem ähnlechen Resultat geing kommen. Mee et waert schweier gin esou eng Platz ze verteidegen oder nach ze verbesseren. An eischter Instanz hoffen ech op eng Top 15 Platz. Et gin emmer souvill verschidden Fakteuren dei op deem Dag eng Roll spillen, Material muss impekabel sin, verschount bleiwen vun Platten, Chute asw. An schlussendlech spillt Dagesform eng ganz grouss Roll.

An deser Virbereedungsphase sin ech lescht Woch dann och 2 Coursen gefuer.
En Donneschden en internationalen Critérium zu Bar-le-Duc wou ech eng 6. Platz ereecht hun an och 1 Punkt sammelen konnt bei starker Konkurrenz.

En Samsden sin ech zu Vodelée an der Belsch gefuer an do sin ech um Enn vun engem hiwweleschen Circuit vun 75 km op 5. Platz iwwert Arivee gefuer virun engem Tanja Hennes aktuell 28. op der Welt. Dest Resultat huet mech absolut zefridden gestallt well ech um Enn vun enger schweirer an animeierter Course nach baal ganz vir matfueren konnt.

WM 2005 Oberwart (A)

Championnat National

2006-06-28T20:46:00.000+02:00

2x Bronze

...dat as Resultat vum Championnat am Zaitfueren an op der Strooss. Am grousse Ganzen as Resultat an der Rei...et wor leider net mei dran zumols zu Bierden op engem relativ schweiren Parcours dee mer absolut net entgeint koum a wou ech mech och nie wieklech wuel gefillt hun.
Mee bon et kommen nach vill Championnaten an hoffentlech och deer dei mer dann besser leien!

E grousse Merci nach un all dei di mech sou trei ugefiert hun, dat motiveiert emmer erem...weider esou!

Dat nächst Ziel as dann elo den 16. Juli EM zu Valkenburg an Holland. Hei huelen ech an der Strossecourse bei den Juniorinnen deel.

Etoile du Grand Est Thierville (F)

2006-05-24T15:17:00.000+02:00

1. Platz

70 km 1:51:05 46 Starterinnen

Dat as se...dei 1. Victoire fir des Saison! Dest wor eng Course am Kader vun der Etoile de l'Est am Frankreich dei mat eis an nach 3 Daitschen Fuererinnen e klengen internationalen Flair hat. No 70 km op engem flachen Circuit vun 2.4 km koum et wei dei leschte Woch schon zu engem Massesprint vum Pak. Wei schon bekannt hun ech esou eng Situatioun gär an hun dat Bescht dorauser gemach.
Domat hat ech Scratch-Klassement souwei natirlech och Juniors-Klassement gewonnen.

Klassement:

1. Nathalie Lamborelle (1.Jun)
2. Stéphanie Baud Comité Côte d'Or (Sen)
3. Dorothee Zwick Daitschland (Esp)
...
12. Anne-Marie Schmitt (5.Jun)
13. Christine Kovelter (6.Jun)
14. Chantal Hoffmann (6.Esp)
16. Isabelle Hoffmann (7. Esp)
24. Betty Kinn (9. Esp)
34. Kayser Lynn (10.Jun)

21. Mai 2006

2006-05-19T21:06:00.000+02:00

Etoile du Grand Est Féminin, Thierville

E Sonnden as Dammenequip um Départ vun der Etoile du Grand Est Féminin (anc. Challenge de l'Est). Course geet iwwer 70 km op engem lokalen Circuit mat gemeinsamem Start an getrennten Klassementer, Juniors, Espoirs, Elite.
Meng schärfsten Konkurrentin waert Julie Krazniak gin...wat jo och schon öfters hei am Land wor. Och wann dest eischter mei eng einfach Course get freen ech mech awer drop.
Fir weider Infos http://www.etoiledugrandestfeminin.fr/index.php?page=modules;article/id_article;52

Course Fleurus (B) 1.15 Dames Elite

2006-05-14T21:06:00.000+02:00

4. Platz

85 km 2:16:30 53 Starterinnen

Desen Sonndeg huet Dammennationalequip an der Belsch un enger Internationaler Course Deel geholl. An deser Equip dobai woren Isabelle Hoffmann, Betty Kinn, Christine Kovelter, Anmarie Schmitt, Lynn Kayser an ech. Monique Ludovicy as fir Bartreng gefuer. Och um Départ woren ennereanerem Belsch Championne souwei verschiddenen anerer dei eis schon bekannt woren. An engem relativ flaachen Parcours mat vill Wand wor et dann zimlech schweier foret ze kommen an sou as et dunn schlussendlech zu engem Massesprint komm an deem ech dei 4. Platz beluet hun, an domat och 1. Juniorin (keen Extra-Klassement). Anmarie kennt op dei 20. Platz, Betty 22. an Isabelle 29. (am Pak)

News

2006-05-12T13:15:00.000+02:00

Salut alleguerten!

Nodeems ech schon laaaaang naischt mei op des Sait gesaat hun, waert demnächst awer rem eppes kommen!!
Ech probeieren hei no all Course an Zukunft e klengen Bericht ze schreiwen.
Also kennt der roueg erem heinsdo lanscht kuken kommen op et eppes naits get! ;-)

Bis geschwenn

Nathalie

Newsletter 9

2006-02-25T00:14:00.000+01:00

Freides, den 24. Februar 2006

Ewei Zait vergeet…
Elo sin ech schon erem hei zu Letzebuerg an ech kann et kaum gleewen dat deen ganzen Mount elo schon vergangen as. Et geet alles esou schnell erem zumols wann een an enger gudder Ambience as.
Geschter hun ech nach den Training matgemach ier ech heem komm sin. Besonnesch mettes beim Velofueren heut een gemierkt dat et jidderengem immens schweier gefall as mat der Situatioun emzegoen dat dat deen leschten gemeinsamen Training wor an dat een deen een oder aneren soubaal nemmi erem gesait. Dofir hate mer awer eng super Ambience um Training an sin dat och ausnahmsweis e bessi mei locker ugangen.

Als Resumé vun desem Stage geing ech einfach soen dat et fir mech perseinlech eng immens Erfahrung wor. E Mount alleng vun doheem fort an eischter am mei schlichten Verhältnisser gelieft wou de Velo eng Keier ganz am Mettelpunkt stung. Op desem Stage hun ech en Ableck kritt an alles wat den Velossport op der Stross an op der Bunn bitt kritt an virunallem deen op der Bunn wor ganz intressant fir mech. Wann Stroossentraininger mei oder weineger gewinnten Saachen woren sou woren Trainingen op der Bunn ganz besonnesch fir mech. Hei hun ech am meeshcten geleiert an och Spass un enger neier Disziplin fonnt. Schued dat dest elo fir eng gudd Zait eriwwer as.

Als Ofschloss vun desem Stage well ech awer nach eng Keier all deenen Lait VILLMOLS MERCI soen dei mech an iergendenger Art a Weis ennerstetzt hun virdrun an och währenddem Mount.

Bis geschwenn

Nathalie

P.S.: Vergiesst net en Meinden den Owend all den RTL ze kuken. Do kritt der en klengen Ableck a Biller wei main Stage ofgelaf as.

Newsletter 8

2006-02-20T16:34:00.000+01:00

Sonndes, den 18. Februar 2006

Lo as et nemmen nach 1 Woch bis zum Enn vu desem Stage. Dest wor schon de leschten Weekend hei zu Aigle. En Donneschden den Owend waert ech heem kommen. Next Woch get et nach eng Keier hard an dono hun ech dann nach eng Woch Vakanz befier Schoul dann nees ungeet an eng zweet hard Etap usteet. Dann gelt et 4 Wochen op Zänn zebeissen an dest warscheinlech genau sou hard ewei um Velo. Et gin 4 Wochen mat vill Prüfungsstress an zudeem muss ech alles dat wat ech lo des Zait verpasst hun an der Schoul opschaffen.

Dei lescht Deeg huet et hei zimlech vill gereent soudass de Programm bessen duercheneen komm as an dat mer doweinst och net souvill op der Strooss fueren konnten. Dann get eben op den Rulloen gefuer als Ausgleich, wat awer net immens intressant as.

E Samsden de metten wor ech mat 3 aneren Meedecher op Lausanne den olympeschen Musée besichen. Dest huet eis alleguerten ganz gudd gefall. Dono huet den François, deen eis dat Ganzt organiseiert hat, nach e bessen Lausanne gewisen ier mer eng gudd Keisfondue bei hien heem iessen gangen sin.
No deser Sündeg sin ech dann awer och ausnahmsweis haut de moien e bessen Velo gefuer. Mee dat wor guer keng esou gudd Idee. Hei bleist de Moment e starken Fönwand an ech wor alleng ennerwee…

Bis dann

Nathalie

Newsletter 7

2006-02-16T08:22:00.000+01:00

Mettwochs, den 15. Februar 2006

Haut get et e bessen mei ze erzielen. Fir d’eischt awer mol de Resumé vum Bunndag. An Teschenzait wesst der jo all dat ech mettlerweil e richtegen Fan vun der Bunn sin. De moien hu mer 3000m aus dem Stand gemach. Och wann ech e bessen Muskelkater an Been schweier hat, entweder weint dem Krafttraining vun geschter oder vlait weinst dem 14 km Bierg, wor dat awer erem eng gudd Erfahrung an meng Zait wor mol nach guer net sou schlecht. (4.22.19)

Mettes hu mer dunn verschidden Coursen gemach. Fir unzefänken zwou Scratch Coursen iwwer 20 Ronnen. Dest sin am Fong normal Coursen wou deen eischten deen herno iwwert Linn fiert och de Gewenner as. An der eischter Course si mer nees all geint die 2 Däninen gefuer an dono wore mer an Equipen vun 3. An do wor ech mam Mie Lacota an der Equipe, Juniorenweltmeeschterin. Tjo mee mer haten eis bessi domm ugeluet well trotz dat hat dat schnellst as vun eis all hu mer et net ferdeg bruet ganz fir matzefueren.
Dono hu mer eng Ausscheedungscourse gemeet. Do get all 2 Ronn dee leschten elimineiert. Nujee hei hun ech leider naischt bemierkenswertes ronnbruet. Och wann et nemmen ganz knapp wor, wor ech mei schnell elimineiert wei ech et realiseiert hat. Mee bon am Ufank huet een dat ganzt eben net sou enner Kontroll an dann kennt et alt och schnell fir dat een ouni sech vill midd ze machen ganz schnell nokuken daerf.
Beim Punktefueren dono as et och net vill besser gelaaf. Nemmen die 3 eischt kruten Punkten. Och wann ech alt probiert hun wor mei wie eng 5. Platz nie dran wat bei 30 Lait an der Course net sou schlecht wor.

Haut hun ech alt erem eng Keier mei gemierkt wei wichteg Coursen op der Bunn sin fir eng Course richteg enner Kontroll ze hun an och Taktik a virunallem Course fueren ze leiren. Bei deenen 2 leschten wennt neemlech deen wou sech am beschten unzeleen wees. Dono wier ech am leifsten direkt die nächst Course gefuer.

Vu geschter get et nach ze berichten dat mer en Bierg vun 14 km erop gefuer sin. Op Villars matten an Schigebitt dat op 1300m leit. Selbstverständlech hun Leit uewen eis all ganz erstaunt ugekuckt wou se eis do mam Velo gesin hun. Mee sos wor et awer ganz flott do erop ze fueren, jiddereen konnt sain eegenen Tempo fueren sou dat et och net sou intensiv wor. Dest wor och dee leschten bessen agreablen Dag. Et woren em di 7 Grad op 1300m an huet Sonn alt nach e bessen geschingt. Haut den metten huet et ugefangen ze reenen an et huet leider och nach net opgehaal, letzebuergescht Wieder also.

Bis dann

Nathalie

Newsletter 6

2006-02-14T08:28:00.000+01:00

Méindes, den 12. Februar 2006

Haut as den Training nees ugangen. De Moien as meng Grupp op der Bunn gefuer während dei aner Halschent schon ugefangen huet mat engem klengen Test.
Mer hun op der Bunn e puer Eenheeten mam Moto gemach, en halwen Tour untreppelen an dono nach e ganzen Tour. Mee desen Training wor awer gezeechent vun enger zimlich hefteger Chute. Eent vun eis wat awer dei 1 Woch nach net do wor an domat Grondsachen vum Bunnfueren verpasst huet, as einfach ze lues duerch Keier gefuer. Hat as ewech gerutsch an huet nach drei anerer matgeholl. Et as gottseidank bei e puer Wonnen bliwwen. Ech hat alt erem zimlech Chance bei der ganzer Affär, Chute wor just hannert mer!! Heinsdo muss een alt och e bessen Chance hun.

Mettes huet dunn eisen Grupp och dee klengen Test gemach. Dest wor en Stufentest wou et drems gangen as all Minut 20 Watt mei ze fueren. Dest as bei 100 Watt ugangen an bei mer wor bei 360 Watt Endstatioun. Och wann dat Ganzt net vu langer Dauer wor sou as et awer zum Schluss richteg hard gin Wattzuel ze haalen.

Sos hat ech haut nach e Besuch, den Bernhard as mech besichen komm fier sech die ganz Sach hei mol eng Keier unzekuken.

Geschter um Sonnden wor et zimlech roueg hei. Mettes wor ech awer mat engem Meedchen aus dem Azerbaidschan bei ee Mann vun hei, deen aal Veloen huet fir him ze gin. Ech hun dunn alt Dolmetscher gespillt, eng ganz nei Erfahrung an eppes wat guer net sou einfach as!

Majo muer wärte mer dann nach eng Keier den Torgon hei an der Geigend bezwengen, als Biergtraining.

Bis dann

Nathalie

Newsletter 5

2006-02-11T09:19:00.001+01:00

Samsdes, den 10 Februar 2006

Haut geet de Weekend un... oder en as schon am Gang. Dat heescht moies eng gemittlech Ausfahrt am Grupp an mettes souwei muer ganz frai. No nees enger relativ ustrengender Woch freet een sech schon richteg op de Weekend. Haut hun ech et och virgezun an enger Grupp matzefueren, dat as mei gemittlech an de Wand kennt net sou un een, deen heinsdo hei am Dall bleist.

En Donneschden hate mer nees eng Rekordausfahrt... mat nemmen 34.5 Moyenne! An dobai get dann nach Kreesel gefuer. Och wann mer ennert eis heinsdo den Tempo erofsetzen, as dat awer nie fir ganz lang. Den Alexandr as mat eis gefuer... deen wou virum Ben Classique des Alpes gewonnen huet.

E Freiden hate mer moies Bunn a mettes Strooss. Op der Bunn hu mer Team Verfolgung gemach wou mol die eischt Aufgab wor de ganzen Grupp zesummenzehalen. Schon alleng dest wor net sou einfach well all Grupp aus verschiddenen Niveauen bestanen huet. An die aner Aufgab wor natirlech mei schnell wei die aner Grupp ze sin. Dest wor nees zimlech hard alles mee awer flott dobai, bei deem Tempo brauch een och net ze faerten erofzerutschen.
Mettes hun ech sou wie nach 5 anerer aus der mei schneller Grupp et awer dun virgezun mat deenen mei Luesen ze fueren. An dest wor sou amüsant och wann et net grad ongefeierlech as do. Hei sin der dobai dei wierklech eecht Problemer heinsdo mam Velo hun, besonesch wann et em eng Keier geet oder nach mei schlemm wann et iwwert eng Barrière geet wou Schinnen baal parelell mat der Strooss verlaafen. E riesengrousst Scheld um Buedem extra fir Velosfuerer, Uweisungen vum Trainer an ruffen konnt dei Chute dei dunn koum nemmi verhenneren. Mee dat wor mol rem eng Keier den eischten gemittlechen Training sait langem an dat huet esou gudd gedon.

Wat et sos nach naits get hei zu Aigle dat as dat scheint Wieder wat mer lo vun geschter un hun. Et as Schnei gefall op de Bierger an Sonn blenkt mol richtig fir d'eischt. Lo kann een mol dat scheint Panorama hei bewonneren an dann mecht Velofueren och nach eng Keier sou Spass wann Wieder stemmt a wann een Landschaft nach e bessen geneissen kann rondrem.

Bis dann

Nathalie

Newsletter 4

2006-02-09T10:47:00.000+01:00

Mettwochs, den 8. Februar 2006

Haut wor Pistendag...kurz moies a mettes op der Bunn. De Moien hu mer nees eppes naits gemat an dobai nach eppes zimlech verrecktenes: 200m Flying. Do muss een schon zimlech king sin fir dei vollduerchzefueren. Eng Viraussetzung fir eng gudd Zait herbai as schon date en ganz uewen an der Keier aus dem Suedel geet an dono voll duerch di nächsten Keier an dat wann meiglech op der schwarzer Linn. Dest as awer guer net sou evident well do kritt een schon eng schein Vitesse drop an wann een dat Gefill net sou gewinnt as, dann as dat eppes ganz komesches.
Dono hu mer nach 250m Standing gemat. Do geet et nemmen drem explosiv unzetreppelen an dann nees vol duerchzefueren. Och wann des 2 Sachen bessen komesch sin am Ufank sou as dat awer ganz praktesch well et as sou kuerz datt en net spiert wat mat engem geschitt! Et as einfach net genuch Zait fir dat et keint ufänken mat weidoen.
Dat as wierklech flott, e bessen sou en "Kick" dat ganzt mee wieklech ganz flott.

Mettes hu mer nees 3 Coursen gemach iwwer 15 resp. 20 Ronnen. Dei zweet an drett Course sin ech mat den Pistenkracken vun hei gefuer. Also dorenner verstin ech die an eiser Grupp die normalerweis doheem Coursen op der Bunn fueren. Dorenner as enner anerem Europameeschterin, an verschiddener die schon op Weltcupen dobai woren.
An desen Coursen as et fir eis awer eigentlech drems gangen die 2 Däninen iergendwei auszetricksen dei schon 6 resp 10 Joer op der Bunn aktiv sin. Als kleng Hellef hate mer nach den Richard, mee et wor trotzallem nach baal onmeiglech die 2 richteg a Schach ze halen. Ech als decken Outsider do hun alt probeiert iergendwei do ze bestoen an naja ech sin alt net ganz ofgehangen gin mee vill mei wie matfueren konnt ech awer och net machen. Dei hun einfach en Wahnsinnstempo deen ech kaum gewinnt sin.

Main Fazit vun desem Dag as awer ganz kloer dat Bunnfueren einfach super flott as an ech hun et emmer leiwer...besonnesch wann et dobaussen net sou schein as.

Bis dann

Nathalie

Newsletter 3

2006-02-08T18:47:00.000+01:00

Densdes, den 7. Februar 2006

Haut de moien hate mer Krafttraining wou mer all Keier mat 5x20 Sit-up ufänken. Dest awer ouni iergend eng Hellef. Einfach esou ganz frai. Dat deet schon zimlech wei no e puer Keiren.
Mettes hate mer dann en "Uphill TT". Dat wor am Fong eng Eliminatiounscourse wou mer all zesummen fortgefuer sin an am Laaf vum Bierg as dunn eben eng Entscheedung komm. De Bierg dee mer ze bewältegen haten wor dee selwechten wei den eischten Dag, den Torgon. Desen huet 8,6 km, em di 7,1 % an en feiert an e Schigebitt vun der Regioun "Les Portes du Soleil" dat Schwaiz ant Frankreich verbennt.

Muar stin erem 2 Bunn Sessions um Programm...¦dat gefällt mer och mettlechweil deck gudd och wann ech an der blöder Keier emmer am Ufank e bessen onsecher sin well ech do erofgerutscht wor mee schnell fueren as awer schon ganz flott a muer machen mer kuerz Distanzen dat misst normalerweis goen. Mettes machen mer nees e puer Coursen...zur Ofwiesselung. Egalwei Spass mecht et!

Bis dann

Nathalie

Newsletter 2

2006-02-08T12:32:00.000+01:00

Meindes, den 6.Februar 2006

Haut as den Training rem lass gangen...dat heescht de moien 1h 20 op der Bunn hannert dem Moto mat ongefeier 50 km/h. Dat as schon e bessen schnell gangen. Mee nujee ech fueren leiwer e bessi mei schnell op der Bunn. Haut de metten hate mer Training op der Strooss an do hate mer baal 2h. Vielleicht as dat net sou immens lang mee mer sin mat enger Moyenne vun 34 km/h gefuer. An et wor sou vill Wand a mer missten och nach dobai sou all 2 min wiesselen soudat jiddereen e puer mol am Wand fir hung. A fir zereck si mer dunn och nach Relais gefuer. Jojo et wor schon rem zimlech hefteg...mee mengen gewinnen mech schon sou lues drun. Passt op wann ech heem kommen dann as 30 Moyenne Standart!!!

Mee ech hun awer mol den Trainer gefrot op hien dat emmer sou mecht. Hien huet gemengt hei missten mer dovun profiteiren fir epes ze leiren an wann et just 1 Mount wier (nemmen!) dann wier datr net sou schlemm wann een am März dono 2 Wochen ganz relax mecht. Majo dann kann ech nemmen soen "Keep on racing" Och wann et heinsdo sou wei deet an ellen as mee eppes waert ech hei leiren...mech ze quälen. Mengen wann ech dat dono net ferdeg brengen dann waert ech dat nei mei ferdeg brengen.

Sos gefällt et mer awer nach emmer ganz gudd hei...zumols well ech lo keng Schoul hun. Hehe

Bis dann

Nathalie

Newsletter 1

2006-02-08T12:26:00.000+01:00

Sonndes, 5 Februar 2006

Haut as Roudag ugesoot. Et as och den eischten ganz fraien Dag no enger saurer Woch. Sou hun ech haut och mol profiteiert fir e bessi mei lang ze schlofen...bis halwer 9. Dat as schon verdammt lang wann een sos muss um veirel fir 7 opstoen. Dono sin ech mol gemittlech mam Vroni, enger Eistereicherin bei de Bäcker getreppelt a mer hun eis mol eng gudd Metsch geleecht. Vroni hun ech iwwrenzeg zu Moskau kennengeleirt. Ech wor schon frou wou ech gesin hun dat hatt och hei wier. Sou kann ech weinstens mat engem eppes anescht schwätzen wei nemmen Englesch.

Desen fraien Dag get hei allgemeng genotzt fir ze schlofen an fir ze wäschen...also net extrem intressant. Ech hun en alt genotzt fir bessi eppes fir Schoul ze machen dat muss jo alt heinsdo sin.

Geschter konnte mer alleng fueren, sou hun ech dovun profiteiert fir mol eng Keier rem bessi relax rullen ze goen, sou wei ech dat eischter gewinnt sin...hehe. Ech sin mam Vroni ant Frankreich gefuer a Richtung Evian laanscht de Genfer Sei. Leider wor Wieder wei schon baal dei ganz Woch net immens schein. Kaal, bedeckt an dreif sou dat een net vill vun der Kuliss hei rondrem gesait. Ech hun ierger mol na net richteg gesin hei rondrem. Mee laanscht de Sei as et trotzallem net sou schlecht....baal wei laanscht Mier. Schein flach an jo dat anert Ufer gesait een och kaum bei sou engem groussen Sei.

Hei as eng Foto vun der Keier vun der Bunn. Dei as nawell zimlech gei. Et as och relativ kuerz Bunn, 200m. Leider kennt et net gudd eraus op der Foto wei gei se as, mee ch kann aerch soen et as baal riit. Et as o palle Fall net fir zevill oft vun do uewen reof ze kuken.
Mee ech muss soen Bunn fueren mecht richteg Spass. Besonnesch wann bessi Vitess am Spill as. Et get een zwa midd dobai mee dat as mega eng Course drop. Mer brauchen onbedingt eng zu Letzebuerg! ;-) Et as zumols mei flott op der Bunn well et do gudd warm as. An hei rondrem am Dall as et och net sou flott op der Strooss.

Mua geet den Training dann nees lass. Moies Bunn a Mettes Strooss. Ech hoffen alt mol dat eh mech genuch ausgerout hun haut...well mua hu mer 3x15 min hannert dem Moto op der Bunn. Mee net hannert engem Derny sou wei zu Gent mee de Richard (Trainer) fiert mat engem 125er Scooter rondrem. Gesait bessi witzeg aus...awer nemmen beim Nokuken well dat Spillchen geet ongefeier sou mat 60 km/h rondrem oder sou. Majo dat get nach ganz flott mua.

Sos hoffen ech dat et aerch all gudd geet. Mer geet et op alle Fall gudd ausser dat ech eben heinsdo bessi midd sin an schon Muskelkater hat. Mee dat kennt alt fier. A meng Bless um Knei as och am Gangen ze heelen.
Sorry wann ech aerch net oft um Msn begeinen....ech sin eigentlech ganz vill an oft um Internet mee eben nie owes speit. Wann dann virum Metteg oder am Nometten no 4 an no halwer 6 awer nemmen bis allerhecjstens 8. Dei meescht gin hei schon um 6. Dat heescht sou geint 7 bas de dann nach ganz alleng am Zenter. Ech hun och just do Internet. A mengem Zemmer geet et bessi mei primitv zou....hehe an muss all Dag mam City Bike rondrem fueren sou em di 3 km an deer Keelt. Dat s net emmer flott an dann nach mat engem decken Kuerw um Reck. Jojo et as schon net Dolce Vita hei.

Och wann ech all Dag Wort liesen kennt der mech awer roueg heinsdo um Laafenden haalen besonnesch wann et "Hot News" gin. Well dei stin net onbedingt emmer am Wort hehe. Also einfach eng Email schreiwen op lamborel@pt.lu gin dei 2 mol am Dag kuken...an aetwerten och normalerweis schliesslesch hun ech jo net sou vill ze din hei ausser Traineiren, Iessen, schlofen an na heinsdo op Toilette goen. Hehe

Bis dann

Nathalie

UCI Trainingscamp

2006-02-08T08:03:00.000+01:00

Salut!

Vum 30. Januar bis den 24. Februar sin ech op engem Stage vun der UCI am Centre Mondail du Cyclisme (CMC) zu Aigle an der Schwaiz. Op desem Stage huelen 30 Sportlerinnen aus 29 verschidden Natiounen a 4 Kontinenten deel. Ennert hinnen as enner anerem och Weltmeeschterin bei den Junioren vun 2005. Desen Stage steet ennert der Leedung vum offiziellen Trainer vum CMC dem Richard Wooles. Hien wor ennert anerem 5 Joer lang Trainer vun der Englescher Damennationalequipe an as seit 2 Joer zu Aigle am Asatz. Um Programm stin all Dag 2 Trainingseenheeten, Stroos a Bunn ofwiesselnd. Dobai geet et virunallem drem ze leiren wei een sech als Fulltime Cyclist verhaalen soll, wei een sech organiseiren kann wann een op sech alleng gestalt as an awer och wei een sech mental motiveiren kann sain Bescht ze gin. Hei fannt der lo regelmeisseg Berichter vu hei mat perseinlechen Andreck an och selbstverständlech villen Fotoen sou lang ech flotter hun.

Main Dagesoflaaf:

Um 7 opstoen, dann Kaffi wou et nemmen Müsli get an eng Gebeeseschmier, Kaffi an Orangejus. Dono sou geint veirel fir 8 fuere mer dann mat engem City Bike sou ongefeier 3 km an den Zenter (CMC). Do as awer jiddereen frai weini en well fortfueren. Dann um halwer 9 geet den 1. Training lass. Geint 12 get et Mettegiessen an um 2 as nees den nexten Training. Dann um 5 get et nees Iessen, Owesiessen am Fong. Dat as awer ganz korrekt. Geint 6 doremmer fueren mer dann nees zereck mam Velo do wou mer schlofen an den "Mon Séjour ". Dest as eng speziell Pensioun fir Stagiairen vun der UCI. Hei huet jiddereen sain eegent Zemmer.

Training:

Den Training hei as zimlech hard. Dat heescht intensiv, awer Eenheeten sin net sou lang wei een dat normalerweis gewinnt as em des Zait. Um Programm steet generell nemmen Velo a sos nach e bessen Krafttraining mee alles Velospeziefeg. Dat heescht Strossentraining a Bunntraining ofwiesselnd. Op der Bunn machen mer haaptsächlech Coursetechnik. Wei d'Wuert et schon seet machen mer allerhand Coursen e bessen vun allem fir e bessen alles eng Keier ze gesin. Mee och den Stroosentraining as net einfach. Entweder fueren mer mat engem anstennegen Tempo hei duerch den Dall oder eben en Bierg erop.Sos as de Programm sou opgebaut dat mer an der Woch festen Training hun an Samsden fir eis alleng fueren kennen goen oder eben mam Richard, mee dat as zimlech hard. Sonndes as Roudag, awer och hei as et jidderengem fraigestallt wat e mecht.

Nathalie

2006-02-06T23:34:00.000+01:00

Nathalie, une luxembourgeoise dans un camp d'entraînement de 30 jeunes filles de 29 différentes nationalités

2006-02-06T22:56:00.000+01:00

Nathalie s'entraîne tous les jours sur piste, un outil précieux qui fait toujours défaut à Luxembourg.